Семинар: «Балабақшада заттық дамытушы ортаны ұйымдастыру ерекшелігі»

Тәжірбиелік семинар:

«Балабақшада заттық дамытушы ортаны ұйымдастыру ерекшелігі»

Мақсаты: балабақша педагогтарының мектепке дейінгі білім беру стандартына сәйкес топтарда заттық дамытушы орта құруға негіз болатын теориялық білімдерін тиянақтау.

Міндеттері:

- мектепке дейінгі білімнің жаңару жағдайында тәрбиешілердің кәсіби құзыреттілігін арттыру;

- мемлекеттік стандарт талаптарын ескере отырып, балалардың танымдық қызығушылығын қалыптастыруға негіз болатын заттық-дамытушы ортаны жобалауға теориялық және практикалық тұрғыда толыққанды дайындықты қамтамасыз ету;

- балабақшаның жас ерекшелік топтарына сәйкес заттық-дамытушы ортаны жобалау және болжам жасау біліктілігін қалыптастыру

Алдын-ала жүргізілетін жұмыс:

МЖМБС-мен және заттық-дамытушы ортаға қатысты терминдермен танысу, заттық-дамытушы орта үлгісін дайындау

Семинарға дайындық

• «Балабақшадағы заттық-дамытушы орта» тақырыбында, электронды түрде, презентация дайындау - әдіскер.

• Презентацияны қарау үшін проектор, экран құру және ноутбук дайындау – әдіскер.

• Педагогикалық сыр-сандық дайындау – семинар тақырыбы бойынша педагогикалық сұрақтар салынған сандықша не қорапша.

• Ақ қағаз, бояу, тастар, таяқша, губка дайындау-тәрбиешілердің шығармашылық жұмысы үшін.

• Жеделхат парақшасы – қатысушылар санына қарай

Тәжірбиелік семинар жоспары:

1. Кіріспе

2. Глоссарий

Сергіту сәті «Сиқырлы доп»

3. Педагогикалық сыр-сандық: заттық дамытушы ортаның ерекшеліктері

4.Топпен жұмыс: шығармашылық салаға байланысты  қол астындағы заттардан «Мерекелік ашықхат»

5. Семинар қорытындысы. «Жеделхат» («Телеграмма») технологиясы

Тәжірбиелік семинар барысы:

1. Кіріспе. Құрметті әріптестер! Бала тұлғасын дамытудың, танымдық

қызығушылығын қалыптастырудың маңызды факторларының бірі қоршаған орта – бала өмір сүретін, ойнайтын, дем алатын орта болып табылады. Балаға сезім мүшелері арқылы әсер ете отырып, оның әсемдік, талғам, құндылық бағдар туралы түсініктерін қалыптастыруға болады. Осының барлығын балабақшада балаға жағдай құру барысында ескеру қажет.

Соңғы уақытта «заттық дамытушы орта» ұғымы пайда болды. Заттық дамытушы орта дегеніміз не? (тәрбиешілердің жауабы)

«Заттық-дамытушы орта – бұл баланың рухани және дене дамуының функционалдық үлгідегі мазмұны, оның іс-әрекетінің материалдық обьектілерінің жүйесі»

Олай болса, біздің бүгінгі теориялық семинарымыздың тақырыбы «Балабақшада заттық дамытушы ортаны ұйымдастыру ерекшелігі» деп аталады.

Балабақшада заттық дамытушы ортаны ұйымдастыру ерекшелігін талқыламас бұрын осы тақырыпқа қатысты терминдерге шолу жасайық.

1. Глоссарий

Глоссарий – қандай да бір білім саласына арналған терминдердің түсіндірмелі сөздігі.

Заттық дамытушы ортаға байланысты сөздерге сипаттама беріңіздер (глоссарий құру)

Жүргізуші слайд арқылы ойнап отырған балалардың , пирамида  және доптың суретін көрсетеді.

Ойын – мектеп жасына дейінгі балалардың жетекші іс-әрекеті.

Пирамида – 7-8 сақинадан тұратын түрлі-түсті ойыншық

Доп – негізінен спорттық ойындарда қолданылатын зат.

Сергіту сәті «Сиқырлы доп»

Қажетті құрал: доп

Шарты: жүргізуші әр педагогке допты алма кезек лақтырады да бір әріпті, яғни дыбысты атайды, қағып алған педагог сол әріптен басталатын ойыншықтың атауын айтуы тиіс.

1. Педагогикалық сыр-сандық: заттық дамытушы ортаның ерекшеліктері

Сыр-сандықта заттық-дамытушы ортаның ерекшеліктері бар. Әр топ сандықшадан бір сұрақты алады және оған жауап береді, ал қалғандары толықтырып көмек береді.

Сұрақтар:

• Заттық ортаның негізгі элементтерін атаңыздар. (сәулетті –

ландшафтық және табиғи - экологиялық объектілер; ойын және спорт алаңдары, олардың жабдықтары; ойыншықтардың тақырыптық жинақтамаларымен, ойын материалдарымен, ойын жабдықтарымен жарақтандырылған ойын кеңістіктері).

• Заттық ортаға қойылатын бастапқы талапты атаңыз.

(Заттық ортаға қойылатын бастапқы талап - оның дамытушылық сипаты. Ол балабақша бөлмелерін, сондай - ақ участкені заттық кеңістікке ұйымдастыру арқылы баланың мүдделері мен қажеттіліктеріне, ал олардың элементтері (құрал - жабдықтар, ойыншықтар, дидактикалық материал, т.б.) баланың дамуына қызмет етуге тиіс).

• Неліктен орта дамытушы деп аталады? (Орта таяу арада даму аймағын қамтамасыз етіп, әр баланың шығармашылық іс-әрекеті үшін жағдай құруы тиіс)
• Топтардағы негізі аймақтарды (зоналар) атап беріңіздер. (Ойын, табиғат, қимыл-қозғалыс, танымдық даму, музыкалық-театрлық)

Біз заттық дамытушы ортаның ерекшеліктерін тұтастай сипаттадық. Дамытушы орта құра отырып, тәрбиеші «бала өмір сүретін орта оның тәрбиесінде орасан, еш теңдесі рол ойнайтынын» әрқашан ескеруі қажет.

4. Топпен жұмыс: шығармашылық салаға байланысты  қол астындағы заттардан «Мерекелік ашықхат»

5. Семинар қорытындысы

«Жеделхат» («Телеграмма») технологиясы. Жұмыс аяқталған соң әр қатысушыға жеделхат парақшасын толтыру ұсынылады, осы орайда келесі нұсқаулар беріледі:

- Өткізілген шара туралы сіз не ойлайсыз?

- Сіз үшін не маңызды болды?

-Сіз не үйрендіңіз?

-Сізге не ұнады?

- Сіз үшін не түсініксіз болып қалды?

- Әрі қарай бізге қандай бағытта қимыл-әрекет жасау қажет?

Осы нұсқау сұрақтарын қолдана отырып, маған қысқаша жеделхат жазыңыз. Мен сіздердің пікірлеріңізді алдағы жұмысымда ескеретін боламын.

Түйін сөз. Мектеп жасына дейінгі балаларды тәрбиелеудің басты міндеті балалардың эмоционалды жайлылық және психологиялық қорғаныс сезімін туғызу. Балабақшада бала өзін сүйкімді, әрі қайталанбас тұлға ретінде сезінуі тиіс. Сондықтан тәрбие процесі жүретін орта маңызды болып табылады.

Осы семинарда біз балабақшадағы заттық дамытушы ортаны ұйымдастыру барысында ескерілуі тиіс ең маңызды сәттерге назар аударуға тырыстық. Сіздерге және сіздердің бүлдіршіндеріңізге осы бағытта шығармашылық тілейміз.